قصيدة أعجبتني

السلام عليكم ورحمة الله وبركاته

اليوم حابة أنشر قصيدة زجل لشاعر من النزلة الغربية ( حسن كتانة ) بصراحة أعجبتني كثير والقصة إنه أنا بدرس في مدرسة النزلة الغربية ، الشاعر جاء للمدرسة حتى يسأل عن بناته وسألته بما إني منسقة لجنة صحية في المدرسة أنه يعملي شي عن الصحة ومن خلال الحديث بدأ يحكي شوي من أشعاره من ضمنها هادي القصيدة اللي ألفها وهو قاعد وأنا متأكدة إنها راح تعجبكم مثل ما أعجبتني

ألا يا ناس هبوا واستعدوا

إذا نادى المنادي بيوم ردوا

المسجد الأقصى أملنا وحمانا

ما بدنا يهودي يكون حدو

هاي ربوعنا وهاي حمانا

لسان الحال عم بيقول شدوا

ما انسينا جرحنا ما نسينا بلانا

ما نسينا سجن أنصار ومجدو

قبل مدة أوباما لعندو دعانا

كلا الخصميْن عالرحيل شدوا

انتظرنا خير ما أجانا

لأنه نتنياهو هيك بدوا

نتنياهو فكر يضحك عالحانا

ونسي إنه صغيرنا يضحك على جدو

امريكا ما كانت يوم معانا

لابن صهيون توقف دوم حدو

ما دام الحجر بايدنا ومعانا

وحجرنا يطحن اللي يريد هدوا

القدس إلنا القدس لوانا

شاء من شاء وأبى من أبى

ويا جبلنا ريح ما تهدوا

طبعا القصيدة كانت حلوة كثير بصوته لأنه غناها على أصولها ( الزجل )